ශ්‍රී ධීරානන්ද විද්‍යායතන අථත්‍ය පාසැල

Monday, 18 May 2020

භූගෝල විද්‍යාව

විෂය - භූගෝල විද්‍යාව

පාඩම - පුනරීක්ෂණ අභ්‍යයාස

පරිවේණාචාර්ය - පූජ්‍ය මෑල්ලගම සුගතරතන හිමි

දිනය - 2020-05-18

වේළාව - පෙ.ව. 7.00

මෙම පාඩම සම්බන්ධයෙන් මතුවන ඕනෑම ගැටළුවක් පිළිබඳව විමසීමට පහත Comment තීරුව භාවිතා කරන්න.

Sunday, 17 May 2020

සංගීතය

විෂය - සංගීතය

පාඩම - නූර්ති

පරිවේණාචාර්ය - ජනක ප්‍රසන්න මායාදුන්නේ

දිනය - 2020-05-17

වේළාව - ප.ව. 4.00

ආයුබෝවන්🙏🏻🙏🏻🙏🏻

ලෑස්තිද සංගීත පාඩමට

අද ඔයාලට තියෙන පාඩම

නූර්ති

පුතේ "නාට්‍ය" කිවුවම ඔයාලට මතක් වෙන්නෙ මොනවද?

ටෙලිනාට්‍ය. එහෙම නේද.

ඒත් අපේ සීයලාගෙන් ඔය ප්‍රශ්නය ඇහුවනං එයාල දෙන උත්තරේ තමයි "ටීටර්"..

ටීටර් කියන වචනෙ බිඳිල ඇවිත් තියෙන්නෙ theatre කියන වචනෙන්. තියට්‍රි > තීටර් > ටීටර්. ටීටර් කියල අපේ සීයල ඒ කාලේ හඳුන්වල තියෙන්නෙ නූර්ති කියන නාට්‍ය වර්ගය.

මේ නූර්ති නාට්‍ය වලට කලින් ලංකාවෙ තිබිල තියෙනව සොකරි,කෝලම්,නාඩගම් වගේ ගැමි නාට්‍ය කලාවන් කිහිපයකුත්. හැබැයි ඒ හැමදේකටම වඩා වෙනස් මුහුණුවරක් ගන්න පුළුවන් වුණා මේ නූර්ති වලට. විචිත්‍ර ඇඳුම් පැළඳුම්, අපූරු දර්ශන, ලංකාවට අලුත් මුහුණුවරක් ගත්ත හින්දුස්ථානි සංගීතය සහ එය මිශ්‍ර උණු අලංකාර ගීත ඊට හේතුවෙලා තියෙනවා.

සොකරි නාට්‍ය

කෝලම් නාට්‍ය

නාඩගම්

නූර්ති

ආශ්වාදය උදෙසා මෙරටට ගෙන්වූ සර්කස් කණ්ඩායම් සංගීත කණ්ඩායම් අතුරින් කේ එම් බලිවාලා නම් සංගීතඥයා ඇතුළු නෘත්‍ය කණ්ඩායම, ඉන්දියාවේ මුම්බායි නුවරින් ශ්‍රී ලංකාවට ගොඩබැහැල, කොළඹ කොටුවේ පුෂ්ප ශාලාවේ ඉස්සෙල්ලාම නෘත්‍ය නාට්‍ය ඉදිරිපත් කරලා තියෙනවා. කෙටි කලකින් ඒවා ඉතා ජනප්‍රිය තත්ත්වයකට පත්වුණා. ඒවා කොච්චර ලස්සන ද කියනවා නං එකම නාට්‍ය පස් හය වතාවක් විතර සමහර අය බලලා තියෙනවා. ඊට පස්සේ කණ්ඩායම ආපහු ඉන්දියාවට ගියාට පස්සේ ලංකාවේ මේ නාට්‍ය බලපු අය මේ අනුසාරයෙන් අලුත් නාට්‍ය කලාවක් නිර්මාණය කළා. ඒ කලාව නූර්ති නාට්‍ය කලාවයි. මේ වැඩේට මූලිකත්වය ගත්තෝ ගත්තේ සී දොන් බස්තියන් මහතා මුල් ම නූර්තිය වශයෙන් ගැනෙන "රොලීනා හෙවත් දිව්‍ය කුසුම " නිෂ්පාදනය කරල රඟ දක්වලා තියෙනවා. එතැන් සිට නීතිඥ ජෝන් ද සිල්වා, නීතිඥ චාල්ස් ඩයස් වැන්නවුන් නූර්ති නිෂ්පාදනය කිරීමට පටන් ගත්තා. නමුත් උතුරු ඉන්දියානු සංගීතය ලංකාවට අළුත් නිසා විශ්වනාත් ලව්ජි, ජටා ශංකර්, අමීර් අලී, අබ්දුල් අසීස්, සදාලාල්, මගන් ලාල් වැනි උතුරු ඉන්දියානු සංගීතඥයින් ලංකාවට ගෙන නූර්ති සඳහා සංගීතය නිෂ්පාදනය කර ගැනීමට සිද්ධ වුණා. මේ නිසා හින්දුස්ථානි සංගීතය, තබ්ලාව ඩෝලය රවිකිඤ්ඤය සර්පිනාව වැනි බොහෝ සංගීත භාණ්ඩ, එම සංගීත භාණ්ඩ වාදනය කරන ශිල්පීන් ලංකාවට පැමිණියා.

රවීන්ද්‍රනාත් තාගෝර් තුමාගේ ලංකාගමනයෙන් පසුව ලංකාවේ පිරිස් ජේ සාදිරිස් ද සිල්වා, එච් ඩබ්ලිව් රූපසිංහ, බී එඩී ද සිල්වා, හෙක්ටර් සොයිසා වැන්නවුන් ඉන්දියාවට ගොස් සංගීතය හදාරා පැමිණ, මෙම නූර්ති සඳහා සංගීතය නිර්මාණය කරන්න පෙළඹුණා.

අපි දැං නූර්ති ගීත කිහිපයක් බලමු......

01. අද වෙස්සන්තර
නූර්තිය - වෙස්සන්තර
නිෂ්පාදක - නීතිඥ ජෝන් ද සිල්වා

අද වෙස්සන්තර රාජ පුතා
මන්ත්‍රී කුමාරි බදී
දෙවෝපකාර වෙවා සෑදී සෙත්
රටවැස්සන්ගේ කාලෙ සොඳා
දුර්භික්ෂ යාය සිඳී
මංගල්ලෙ සාර වෙවා සෑදී සෙත්

බෝම ප්‍රීති ඝෝෂා ප්‍රීතිඝෝෂා
ඇසෙන්නා මේ සිව්දෙසා...//
සෙත අත්පත් වේවා
මන්ත්‍රී කුමරි හට දැන්
රාජ සම්පත් නොමින්
දේය රාජා උතුම්
කුමරාගෙ පිනක් මැයි
වාසනාවෝ..//

02. සුවඳ පද්ම
නූර්තිය - දුටුගැමුණු
නිෂ්පාදක - නීතිඥ ජෝන් ද සිල්වා

සුවඳ පද්ම ඕලු ආදි
නොයෙක පුෂ්පයෙන් සැදී
සරණ හංස සේරු බෝම
පොකුණු සීත පැන් පිරී

වතුර නාන තෙක් දනෝ
පැමිණ නාති ග්‍රීෂ්ම යන්ට
මම ද නාග ලෝකයෙන් ම
මෙපුර ආමි නාන සේ

පෙනෙති ධූප මේ පුරේ
වඳිති ඊට දීප වාසි
රකිති ධර්ම ශාක්‍යවංශ
මුනිඳු දේශනා ලෙස

03. මෙම ගිම්හාන
නූර්තිය - විදුර
නිෂ්පාදක - නීතිඥ චාල්ස් ඩයස්

මෙම ගිම්හාන ග්‍රීස්ම වූ කාලේ
අපේ උද්‍යානේ ක්‍රීඩා සැපා වේ

යස රම්‍යා වූ සැන්දෑවකී මේ
අපේ උද්‍යානේ ක්‍රීඩා සැපා දේ

සූර්යයා යයි බැසී චන්ද්‍රයා එයි නැගී
බිඟු රාශි මධු ලෝලෙන් හැසිරෙන්නා
කෝකිල දී පක්ෂි ගීත රැව් දී නැගේ
අපේ උද්‍යානේ ක්‍රීඩා සැපා දේ

එහෙනම් මේ පාඩමේ වැදගත් කරුණු ඔක්කොම හැමෝම ලියාගන්න.
ගීත තුනත් ලියාගන්න.
ඊලඟ දවසේ අපි ගායනා කරමු
අදට පාඩම ඉවරයි

හැමෝටම,

සුබ දවසක්!!!

චිත්‍ර කලාව

විෂය - චිත්‍ර

පාඩම - සිලින්ඩරාකාර වස්තුවක් අඳින හැටි

පරිවේණාචාර්ය - නුවන් ප්‍රසාද්

දිනය - 2020-05-17

වේළාව - ප.ව. 2.00

පුතාලා හැමෝටම,

ආයුබෝවන්!!!

අපිට චිත්‍ර අඳින්න විවිධ හැඩ පිළිබඳව දැනුමක් හැකියාවක් තියෙන්න ඕනි. අපි ගෝලාකාර වස්තූන් ඇඳීම පිළිබඳව කලින් පාඩමේදී කතා කලා ලස්සන නිර්මාණ කිහිපයක්ම පුතාල කරල එවල තිබුන. අද අපි අලුත් වැඩක් කරමු. අපිට තව හැඩකල කිහිපයක්ම අඳින්න පුළුවන් වෙන්න ඕනි. අපි අද බලමු සිලින්ඩරාකාර වස්තුවක් අඳින හැටි.

මේ බලන්න අපිට පහසුවෙන්ම සිලින්ඩරාකාර වස්තුවක් අඳින්න පුරුදු වෙන්න පුළුවන් මේ තමයි මූලික අදියර

තාක්ෂණික දෝෂ නිසා මදක් ප්‍රමාද වෙනව

අපි මුලින්ම සිලින්ඩරාකාර වස්තුවක් බලාගන්න ඕනි. ඔයාලට පහසුවෙන් හොයාගන්න පුළුටන් ටින් එකක් එහෙම නැත්නම් බට කැබැල්ලක් වැනි ඕනෑම දෙයක් ලබා ගන්න අපි පාඩම මුලදි කී පරිදි සිලින්ඩරය හා ශාකමය කොටසක් වුවත් අද අපි සිලින්ඩරය පමණක් අඳිමු.

මා ලබාදුන් වීඩියෝවෙ දැක්වෙන පරිදි අපි සිලින්ඩරය අඳින්න පටන් ගමු.

මේ බලන්න මේ හැම දේකම මූලික හැඩය සිලින්ඩරාකාර හැඩය. අපිට අපි අඳින භාණ්ඩයේ මතුපිට ලක්ෂණ හොඳින් බලාගෙන මේ වගේ අඳින්න පුළුවන්.

මුලින්ම ඔයාල ලබාගත්ත භාණ්ඩයේ පින්තූරයක් මට එවන්න ඉන් පස්සෙ අපි අඳින්න පටන්ගනිමු ඒ අතර පසුගිය පාඩම කරල එවපු නිර්මාණ කිහිපයක් ඔයාලට එවන්නම්.

කවිඳු ගිම්හාන 6B

හංසික සංදීප 6a

අභිරු පුතා

මෙන්න මේ වගේ වැඩ කරල එවන්න ඕනි එහෙම උනොත් තමයි අපිට අඩුපාඩු කතා කරන්න පුළුවන්.

කෝ තාම කවුරුත් එවිවෙ නෑනෙ දැන් පාඩමට ඉන්න පුතාල එවන්න බලන්න

මේ වීඩියෝ 1 බලන්න ඔයාලට තව දුරටත් පැහැදිලි වෙයි

අදට පාඩම මෙතනින් අවසන් කරනවා. සියලුම දෙනාට,

තෙරුවන් සරණයි !

නර්තනය

විෂය - නර්තනය

පාඩම - නර්තනයේ ප්‍රගමනයට දායක වූවන් අගයමු

පරිවේණාචාර්ය - දර්ශන රොෂාන්

දිනය - 2020-05-17

වේළාව - පෙ.ව. 11.30

අද අපි ඉගෙන ගන්නා පාඩම,

ඔයාලට 6 වසරේදී ශිල්පීන් තිදෙනකු ගැන ඉගෙන ගන්න තියනවා ..

ඉහත අය ගැන බලමු ...

නිත්තවෙල ගුනයා ගුරුතුමා ...

මෙම රූපෙ ඉන්නෙ නිත්තවෙල ගුනයා ගුරුතුමා ...

මේ වීඩියෝ එක බලන්නකෝ...

ඔයාලට පොතේ සටහන් කර ගන්න සටහනක් දෙන්නම් ..

දැන් අපි සාවුරිස් සිල්වා ගුරුතුමා ගැන ඉගෙන ගනිමු ..

සාවුරිස් සිල්වා ගුරුතුමා

මේ රූප දෙකේම ඉන්නෙ සවුරිස් ගුරුන්නාන්සේ

මෙතුමා ගැනත් සටහනක් දෙන්නම් .. මේක ලියන්න සටහන් පොතේ ..

අපි දැන් ඉගෙන ගනිමු එන් ඒ සිරිබෝහාමි ගුරුතුමා ගැන ..

එන් ඒ සිරිබෝහාමි ගුරුතුමා

ඉහත සටහන ලියාගන්න ..

අද ට පාඩම ඉවරයි .. පහත වැඩ ටිකත් කරන්න ..

01.මෙම නර්තන ශිල්පීන් තිදෙනා අයත් වන සම්ප්‍රදායන් තුන නම් කරන්න.

02.ශ්‍රී ලාංකේය නර්තනයේ ප්‍රගමනයට තිත්තවෙල ගුනයා මහතා, එස් එච් සව්‍ රිස් සිල්වා මහතා, එන් ඒ සිරිබෝහාමි මහතා විසින් ඉටුකළ සේවාවන් කෙටියෙන් විස්තර කරන්න.

🙏🙏

ආයුබෝවන් ..