විෂය - චිත්‍ර
පාඩම - පරිසරය
පරිවේණාචාර්ය - නුවන් ප්‍රසාද්
දිනය - 2020-05-01
වේළාව - ප.ව. 2.00
ආයුබෝවන් දරුවනේ දැන් අපි චිත්‍ර පාඩම මෙතනින් ආරම්භ කරමු. අද මම ඔයාලට කියල දෙන්නේ අලුත් වැඩක්. අපි ජීවත්වෙන පරිසරය අපිට බොහෝ දේ ලබා දෙනවා නේද? ඇත්තටම චිත්‍රකලාව ඉගෙනගන්න අපි මේ පරිසරය එක්ක එකතුවෙලා ගොඩක් ක්‍රියාකාරකම් කරන්න පුළුවන්. මම ඔයාලගෙන් ප්‍රශ්නයක් අහනව "කවුද මේ ලෝකෙ හොඳම නිර්මාණ ශිල්පියා" කියල අද පාඩම ඉවර වෙන්න කලින් පිළිතුරු දෙන්න. හරි දැන් බලමු මම ඔයාලට පින්තූර ටිකක් එවන්නම්.
බලන්න මේ තියෙන්නේ මැරෙන මල් වැලක කොලයක් ඒකෙ පාට කහ පාට.තැනින් තැන දුඹුරු කලු තිත් තියෙනව. අලංකාර නාරටි රටාවක් මේ පත්‍රය පුරාම විහිදිලා
මේ තවත් පත්‍රයක් ඒකෙ රටාව කලින් පත්‍රයට වඩා වෙනස්.පාට වෙනස් පත්‍රය පුරා විහිදිලා තියෙන අලංකාර නාරටි රටාවක් තියෙනවා.ඒ නාරටි අතර විවිධ වර්ණ තියෙනව.
බලන්න මේ පත්‍රය වර්නය වෙනස් හැඩය වෙනස් නාරටි රටාව වෙනස්.
මෙි හැම පත්‍රයක්ම එකිනෙකට වෙනස් නේද?
අද අපි කරන්නේ මේ පත්‍ර ආශ්‍රිතව අලංකාර නිර්මාණයක් කරන්න.
මුලින්ම ඔයාලා කැමති පත්‍රයක් තෝර ගන්න මම තෝර ගන්නව කොස් කොලය.
දැන් මේ කොලය පහත පරිදි චිත්‍ර කඩදාසියක් මත අඳින්න
දැන් අපිට පුළුවන් මේ කොස් කොලය තියල අලංකාර මෝස්තරයක් අඳින්න
ඊට පස්සෙ අපි බලමු මේක තව ලස්සන කරන ආකාරය
මම කොස්කොල අතර හිඩැස පුංචි බොල රටාවක් අඳිනව.
මෙික ඔයාලා කැමති ආකාරයකට අඳින්න ඔයාල කැමති ශාක පත්‍රයක් තොර ගන්න
මම මේ නිර්මාණ කරන්න භාවිතා කලේ පාට පෑන් අපි ඒ වගේ දේවල් හාවිතා කරලත් නිර්මාණ කරන්න පුරුදු වෙන්න ඕන.
දැන් ඔයාල බලන්න ඔයාල තෝර ගත්ත පත්‍රයේ නාරටි රටාව. එකිනෙකට වෙනස් පත්‍රවල එකිනෙකට වෙනස් නාරටි රටා නේද තියෙන්නේ. අපි දැන් ඒ නාරටි රටාව අඳිමු.
දැන් පාඩමට සම්බන්ධ වෙලා ඉන්න පුතාල මම මුලින් අහපු ප්‍රශ්නයට පිළිතුරත් කියන්න බලන්න
මෙි බලන්න ඒ වගේ කරල තියෙන පත්‍රවල හැඩ ටිකක් ලස්සනයි නේද
බලන්න මෙි නිර්මාණ. අපිට කඩදාසියක් නොමැතිව උවත් මෙම නිර්මාණ කරන්න පුළුවන් ඉහත රූපයේ පරිදි ඕන මතුපිටක මේ නිර්මානය කල හැකිය. බලන්න පිඟාන මතුපිට කරල තියෙන නිර්මාණය
මේ තියෙන්නෙ මම බත් දීසියක නිම කරපු නිර්මාණයක්.
මම අහල තිබුන ප්‍රශ්නයට පිළිතුරක් තාම ලැබුනෙ නෑ
තමන්ගේ නිර්මාණය සමඟ පිළිතුරත් එවන්න මම මගේ පිළිතුර හෙට උදේ 8:00ට දෙනවා.එතකල් ඔයාලට කාලෙ තියෙනවා .
එහෙනම් අදට පාඩම නිමා කරනව. සියලුම දෙනාට තෙරුවන් සරණයි. ඔයාලගෙ නිර්මාණ මට එවන්න ඒ වගේම එම නිර්මාණ පරෙස්සම් කරල තියාගන්න.
මෙම පාඩම සම්බන්ධයෙන් මතුවන ඕනෑම ගැටළුවක් පිළිබඳව විමසීමට පහත Comment තීරුව භාවිතා කරන්න.
No comments:
Post a Comment