චිත්‍ර කලාව

විෂය                  - චිත්‍ර

පාඩම                - වෙසක් සුබ පැතුම් පත් නිර්මාණය

පරිවේණාචාර්ය  - නුවන් ප්‍රසාද්

දිනය                 - 2020-05-03

වේළාව              - ප.ව. 12.30



ආයුබෝවන් දරුවනේ
අද අපිට තියෙනවා විශේෂ වැඩක් කරන්න ධීරානන්ද විද්‍යායතන පිරිවෙනේ සියලුම දරුවන්,ශිෂ්‍ය භික්ෂූන් වහන්සේලා සෑම දෙනා වෙනුවෙන් අපි සංවිධානය කර තිබෙනවා වෙසක් වැඩසටහන් මාලාවක් ඉන් එක් අංගයක් ලෙස "වෙසක් සුබපැතුම්පත් නිර්මාණ" තරඟයක් ඔබ සැම ⁣වෙනුවෙන් සකස් කර තිබෙනවා. මේ සඳහා චිත්‍ර,නැටුම්,සංගීතය  යන අංශ 3 ටම අයත් සැමට සම්බන්ධ විය හැක. අපි බලමු කොහොමද වෙසක් සුබපැතුම්පතක් නිර්මාණය කරන්නේ කියල. මුලින්ම තමන් විසින් නිර්මාණය කිරීමට බලාපොරොත්තු වෙන නිර්මාණයේ සැලැස්මක් සකස් කර ගත යුතුය.
ඉන් පසුව මේ සඳහා සුදුසු අමුද්‍රව්‍ය කිහිපයක් සොයාගත යුතුය.  අපි බලමු මොනවද අපට සපයා ගතහැකි දේවල් කියල.

1  අපිට ක්‍රම කිහිපයකට මේ වැඩේ කරන්න පුළුවන්
  * සිතුවම් ඇඳීම මගින්
  * වර්ණ කඩදාසි කැබලි අලවල
  * ස්වභාවික අමුද්‍රව්‍ය කිහිපයක් කලාත්මනව එකතු කරල උදාහරණ ලෙස වියලි මල්,වියලි කොල,සිහින් වැලි,ගස්වල වියලි පොතු ආදිය මගින් අලංකාර නිර්මාණ බිහිකරගත හැකිය.
මම ඔයාලට නිර්මාණ කිහපයක් පෙන්වන්නම් උදාහරණ ලෙස

මේ කඩදාසි ඇලවීම ,කැපීම, මගින් කල නිර්මාණ කිහිපයක්. මම ඊලඟට ඔයාලට පෙන්වන්නම් සිහින් වැලි වලින් කල නිර්මාණයක්

මෙය වෙසක් සුබ පැතුමක් නොවෙයි නමුත් මෙය මා ඉදිරිපත් කලේ අදහසක් ලබා දීම සඳහාය.

මේ තියෙන්නේ තවත් අදහසක් මා මෙය නිර්මාණය කිරීමට භාවිතා කලේ සිහින් තඹ පත්‍රයක් මෙිවා දැන් සපයා ගන්න ඔයාලට අපහසුයි හැකි ⁣කෙනෙක් උතිසහ කරල බලන්න.
මම ඔයාලට පෙන්නුවේ නිර්මාණාත්මක අදහස් කිහිපයක්. දැන් අපි බලමු මේ අදහස් කොහොමද මවසක් සුබ පැතුම්පතක් නිර්මාණය කිරීමට යොදාගන්නෙ කියලා.
වෙසක් සුබ පැතුමක ප්‍රධාන වශයෙන් බුද්ධාලම්බන ප්‍රීතිය ඇතිවන ආකාරයෙන් නිර්මාණයක් කල යුතුය.
එසේම අප කාරුණික බුදුරජාණන්වහන්සේ ගේ බොදු  සිතුවිලි  තම හිතමිතුරන් සමඟ බෙදාගැනීම් අරමුණින් කල යුතුය.
මේ සඳහා ඔයාල කවි,නිසඳැස් නිර්මාණය කර සුබපැතුම ඉදිරිපත් කලයුතුය.

මේ බලන්න පොඩි උදාහරණයක්

මෙවැනි නිර්මාණයක් සුබ පැතුමි පතට යොදන්න. ලස්සන අදහසක් ඔයාල නිර්මාණය කරල.

අපි මෙවර වෙසක් උත්සවයට අපූරු වෙසක් සුබ පැතුම් පත් නිර්මාණය කරමු. මේ සෑම නිර්මාණයකටම ඇගයීමක් ලබා දීමට සංවිධායක මණ්ඩලයට කටයුතු සලසමින් සිටිනවා.

මැයිමස 4.වෙනිදා වන විට මෙ⁣ම නිර්මාණ අප වෙත ලැබෙන්න සලස්වන්න ඕන.නිර්මාණය සමඟ ඔබෙි ජායාරූපයක්,සම්පූර්ණ නම,අමතක නොකර එවන්න ඕන.

මේ අප් දරැවෙක් කරල එවල තියෙන සුබ පැතුම්පතක්

7 C පන්තියේ සිතිජ පුතා

දැන් පාඩමට සම්බන්ධ දරුවන් වැඩේ ආරම්භ කරමු මුලින්ම කටු සටහනක් අඳින්න ඒක මටත් එවන්න බලන්න.

7 වසරෙ දරුවන් දැන් වැඩේ ඉවරකරල මට එවනවා හොඳ නිර්මාණ එවා අකර තියෙනවා.

වෙසක් සුබ පැතුම්පතට ඔයාල එකතු කරන්න ඕන සරල අදහස් සෞම්‍ය වර්ණ,සරළ පින්තූර

මෙි සියලුම නිර්මාණ පාසල ආරම්භ කල පසු එකතු කරන නිසා පරෙස්සමට තියාගන්න ඕනි.

හොඳම නිර්මාණ වලට හොඳ ඇගයීමකුත් ලැබෙනවා.

එහෙනම් අදට අපි නවතිමු හැකි ඉක්මනින්  නිර්මාණ එවන්න 

සියලුම දෙනාට තෙරුවන් සරණයි!

මෙම පාඩම සම්බන්ධයෙන් මතුවන ඕනෑම ගැටළුවක් පිළිබඳව විමසීමට පහත  Comment තීරුව භාවිතා කරන්න.